شەفەق نیوز/ پارێزگار هەولێر ئومێد خۆشناو، ئمڕوو چوارشەممە، راگەیان، زیاتر لە 300 خواردنگە و دوکان بازرگانی غەرامەکریان لەوەر پابەندنەوین وە بڕیار پشت بەسین وە زوان کوردی وەگەرد هەردگ زوان عەرەبی و ئنگلیزی لەتابلۆ بازرگانیەیلیان و لیست خواردنگەیلیان.
خۆشناو لە کۆنگرەیگ رووژنامەوانی کە ئاژانس شەفەق نیوز ئامادەبوی وت "لە دویای بڕیار سەرۆک حکومەت کوردستان مەسرور بارزانی لەباوەت پشت بەسین وە زوان کوردی لە تابلۆ و راگەیانن بازرگانیەیل و لیست خواردن خواردنگەیل و هۆتێلەگان و شوینەیلتر، دەسکردیمن وە دانان لیژنەیگ ناوەندی لەبن ئاست قائیمقامیەت قەزای هەولێر وە بەشداریکردن شەش بەش لە فەرمانگەی شارەوانی".
وتیش، لەماوەی راگەیانن ئی بڕیارە تا ئیسە زیاتر لە2300 تابلۆی بازرگانی ئاڵشتکردیمنە وەگەرد غەرامەکردن زیاتر لە 300 دوکان بازرگانی و خواردنگە کە تابلۆ بازرگانیەگانیان و لای خواردنگەیل لیست خوردنەیلیان ئاڵشتنەکردنە.