شەفەق نیوز/ لە زەۊی "پارک شاندەر" گشتی لە شار هەولێر پایتەخت هەرێم کوردستان، ئمڕوو پەنجشەممە، پیشوازی لە بەرهەم ئەنار پارێزگای هەڵەبجە کریا.    

پەیامنێر ئاژانس شەفەق نیوز وت: ڤیستواڵەگە لە ساعاتەێل یەکەم وازکردنەگەی  پیشوازی فراوان و گەپێگ وەلی کریا.    

محەمەد ئەرا ئاژانس شەفەق نیوز وت، بڕێگ لە جوورەێل كۊیلەکە ک خوەم چنانمەسێ وەگەرد شەش جوور لە برنج و دو جوور لە ئەنار وە ناو (ساڵەخانی) هەڵەبجە و ئەنار ئەمریکی نماێش کریدمنە.    

باس کرد؛ ئی ڤیستواڵە هن خوەمە، گشت ساڵێگ کار کەێمن ئەرا کردنەوەی لە فیشتر شارەێل هەرێم، ئیسە ئیمە هایمنە هەولێر  وە بەشداری نزیک لە 80 کشاوەرز و خاوەن کار دەسرەنگینی و فروشیار بەرهەمێل خوەمانی  ئەسەڵ، و رۊین، و رۆبەی ئەنار، ئەنجیرە هشک، و گشت بەرهەمە ناوخوەێلە ک هەڵەبجە ناودارە وەپێ.    

محەمەد وتیش؛ پیشوازی گەپێگ وە لایەن هاوڵاتیەێل کریایە ک چەوەری پیشوازی وەی پلەیە نەکردمە.     ئی ڤستواڵە لە بروار وازکردنی 11/11/2021 سێ رووژ وەردەوامی دیرێد.