سەرچەوەیگ ناوخوەیی ئەرا ئاژانس شەفەق نیوز وت: دویای چەن رووژیگ لە دروسکردن دەسەی داکۆکی لە خانەقین، دەسکردنە یەکەمین کاریان، و یەکیگ لە ئەندامەیل بڕە پویلیگ ئەرا ئی کارە پیشکەش کرد، و بڕ ١٠٠ نەمام بەرهەمدار وەو پویلە ئەرا ئی هەڵمەتە سەنریا.
شەوەکی ئمڕوو، کە مەوقەی دیاریکریای ئەو هەڵمەتە بوی، ئەندامەیل ئەو دەسە گردەو بوین، و دەسکردنە داناین ئەو نەمامەیلە.
ئەو دەسە ئی کارە وە گرنگ زانێد ئەرا شار خانەقین، کە لەوەختیگ سەختی ئاڵشتیوین کەشوهەوا و هشکەساڵی کاریگەری بەدیگ لەبان گشت جەهان و خانەقینیش دیرێد، و پلەی گەرمی لە شارەگە هەمیشە کەفێدە یەکەم لە وڵاتەیل جەهان، و لاییگتریش، ئی پلانە جیوەجی کریەێد تا ئەو ناوچە لە دەورگرد بەنداو ئەڵوەن بوودە شوینیگ گەشتوگوزاری، کە لەی ساڵەیل دویاییە سەردانکەرەیل خانەقین ئەرا گەشتیاری کەمترەو بوینە، چوینکە شوینیگ گونجیاگ وەدەسیان نیەکەفێد.