شەفەق نیوز/ وەڕێەوبەرایەتی پۆلیس پارێزگای سلێمانی، ئمڕوو سێشەممە، دەسکردە هەڵمەتیگ ئەرا دەسناین وەبان چەک بیمووڵەت و ماشین توومار نەکریاگ و جام پووشیاگ و ئەوانەگ تابلۆی ساختە هاپیان.

سەرکەوت ئەحمەد قسەکەر پۆلیس سلێمانی ئەرا ئاژانس شەفەق نیوز وت: لە چوارچیوەی رینمایل وەزارەت ناوخۆ لە حکومەت هەرێم کوردستان، هیزەیل پۆلیس سلێمانی دەسکردە هەڵمەتیگ ئەرا دەسناین وەبان چەک بیمووڵەت و ماشینەیل توومار نەکریاگ وجام پووشیاگ و ئەوانەگ تابلۆی ساختە هاپیان.

سەرکەوت ئەحمەد وتیش: ئی هەڵمەتە ئەرا ماوەی سێ رووژ وەردەوام بوود تا ٣٠ تەشرین یەکەم، لە گشت بنکە وخاڵەیل پۆلیس سلێمانی، و دووپات کرد ک چەوپووشی لە هویچ کەسیگ یا لایەنیگ نیەکەێد، و ئەوەسا یاسا وفەرمانەیل وەزارەت ناوخۆ جویر خوەی جیوەجی کریەن.