شەفەق نیوز/ سەرۆک هەرێم کوردستان نێچیروان بارزانی، ئمڕوو دووشەممە، "وە زبری" ئەو پەلامارە شەرمەزار کرد کە بنکەیگ ئەمریکی لە خوەرهەڵات ئۆردن گردیەسە ئامانج، کۆتایی وە ژیان 3 سەرباز هاوردیە.
سەرۆک نێچیروان بارزانی لە تویتیگ لە دیر وەخت دویەشەو بڵاویکرد وت، "وە توندی شەرمەزار پەلامارە تیرۆرستیەگە کەێمن کە هێزەیل ئەمریکی لە باکوور خوەرهەڵات ئۆردن کردە ئامانج".
وتیش "پرسە و سەرەخوەشی خوەمان ئاراستەی کەسوکار سەربازەیل کەیمن" دووپاتکرد "لەی وەختە سەختە وەگەرد ئەمریکا وسیایمنە، هیواداریمن زەخمدارەیلە وە زویترین وەخت خاسەوبوون".