شەفەق نیوز/ تاقێگە پزیشکیەکان لە هەرێم کوردستان، لەماوەی دویاتربن ٢٤ ساعەت، ٣٥٣ تووشهاتن نوو وە ڤایڕۆس کۆڕۆنا تۆمار کردن، تا گشت ژمارەگە بڕەسێدە ١١٣٤٥٧.

وەگورەی بەیاننامەی وەزارەت تەندروسی لە هەرێم ک رەسیە ئاژانس شەفەق نیوز: تووشهاتنە نووەکان وەیجوورە بەشەوە بوین: ١٦٢ هەولێر، ٨٧ سلێمانی، ٨٢ دهۆک، ١٨ گەرمیان، ٤ راپەڕین.

وتیش؛ ٢٠١ بیمار لە پەتاگە خاسەو بوین، وەیجوورە؛ ٧٥ هەولێر، ٥٣ سلێمانی، ٦٥ دهۆک، ٨ گەرمیان، تا گشت ژمارەی خاسەوبویەکان بڕەسێدە ١٠٥٨٨٤.

هەرێم کوردستان لەماوەی ٢٤ ساعەت گوزەیشتە ٦ مردن تۆمار کرد، وەیجوورە: ٢ سلێمانی، ٣ دهۆک، ١ راپەڕین، تا گشت ژمارەی مردنەکان بوودە ٣٥٧٤.