شەفەق نیوز/ وەزارت تەندروسی لە هەرێم کوردستان، ئمڕوو یەکشەممە، راگەیان تۆمارکردن ٦٨ تووشهاتن نوو وە ڤایڕۆس کۆڕۆنا لەماوەی ٢٤ ساعەت گوزەیشتە، لە کەمترین ئاستەیل تووشهاتنەگان لە چەن مانگیک، تا گشت ژمارەگە بڕەسێدە ١٠٤٤٠٢.
و هەمیش لە بەیاننامەی هەڵوێست رووژانەی پەتاگە ک رەسیە ئاژانس شەفەق نیوز ئاماژە کرد لە خاسەوبوین ٩٦٨ تووشهاتگ، تا گشت ژمارەی خاسەوبویەگان بڕەسێدە ٧٩٩٧٠.
وتیش؛ شەش تووشهاتگ لە دویاترین ٢٤ ساعەت مردن، تا گشت ژمارەی مردنەگان لەوەخت بڵاوبوین پەتاگە تا ئیسە بوودە ٣٤٢٤.