شەفەق نیوز/ وەزارەت کشتوکاڵی و سەرچەوەیل ئاو کوردستان، ئمڕوو پەنجشەممە،  قەیەغەی هاوردەکردن میوەی ئەنار لاورد.    

لە بەیاننامەیگ وەزارەت کشتوکاڵی وت: "لەوەر کەمبۊین بەرهەم میوەی ئەنار لەبازاڕەیل هەرێم کوردستان و رەچاوکردن هاوسەنگی نرخ ئەنار، وەزارەت کشتوکاڵی بڕیار دایە قەیەغەکردن هاوردن  ئەو بەرهەمە لاوەێد  و ری بیەێد لەدەیشت هاوردە بکریەێد".    

وەزارەت کشتوکاڵی هەرێم وەگەرد وەزارەت کشتوکاڵی فیدراڵ هەماهەنگی کەێد لەدیاریکردن سەوزەو میوە و بەرهەمە گووشتیەیلە ک لەماوەی چوار وەرز ری وە هاوردەی نیەێد، لە تەقەڵای  مقیەتیکردن لە بازاڕکردن بەرهەمەیل خوەماڵی لە ناوەو وەبی ئەوەگ کاریگەری دروس بکەێد وەگورەی رووژنامەی کشاوەرزی.