شەفەق نیوز/ تاقێگە پزیشکیەگان لە هەرێم کوردستان لە ماوەی ٢٤ ساعەت گوزەیشتە، ٢٥٦ تووشهاتن نوو وە ڤایڕۆس کۆڕۆنا تۆمار کردن، و سێ کەس لە وەر ڤایرۆسەگە مردن.
تووشهاتنە نووەگان وەیجوورە بەشەوە بوین: ١٥٣ هەولێر، ٥٧ سلێمانی، ١٩ دهۆک، ٦ گەرمیان، ١٩ راپەڕین.
وەگورەی بەیاننامەی وەزارەت تەندروسی هەرێم، ١٣٥ کەس لە پەتاگە خاسەو بوین، وەیجوورە؛ ٥٦ هەولێر، ١٩ سلێمانی، ٥٢ دهۆک، ٨ راپەڕین.
وەزارەتەگە وتیش؛ سێ تووشهاتگ لەماوەی دویاترین ٢٤ ساعەت لە پارێزگای سلێمانی مردن.