شەفەق نیوز/ وەزارەت تەندروسی لە هەرێم کوردستان، ئمڕوو پەنجشەممە، راگەیان تۆمارکردن ٩٧٤ تۊشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە، لە بەرزترین رێژە لە هەڵوێست رووژانەی پەتاگە لە وەخت بڵاوبوین ڤایرۆسەگە لە هەرێم.
وەزارەتەگە لەبەیاننامەیگ رەسیە ئاژانس شەفەق نیوز وت: ٥٣٧٨ تاقیکردنەوە ئانجامدا وەیجۊرە: ٢٠٣٥ هەولێر، ٧٣٠ سلێمانی ، ١٧٢ گەرمیان، ٢٢٨ راپەڕین، ٢١٨٣ دهۆک، ٣٠ هەڵەبجە.
وەزارەتەگە لەبەیانامەگەی وتیش؛ ٩٧٤ تۊشهاتن نوو تۆمارکرد وەیجۊرە بەشەەوبۊن: ٣٢٢ هەولێر، ١٨٣ سلێمانی، ٣١ گەرمیان، ٩٣ راپەڕین، ٣٢٠ دهۆک، ٢٥ هەڵەبجە.
بەیاننامەگە ئاماژەدا وە خاسەوبۊن ٣٧٦ تۊشهاتگ وەیجۊرە: ١٣٦ هەولێر، ٢٣ سلێمانی، ٣٨ گەرمیان، ١٣ راپەڕین، ١٤٦ دهۆک، ٢٠ هەڵەبجە.
بەیاننامەگە هەمیش وت: ٢٨ تۊشهاتگ ئمڕوو مردن، وەیجۊرە: ١٠ هەولێر، ٦ سلێمانی، ٩ دهۆک، ٣ هەڵەبجە.
بەیاننامەگە ئاماژەدا ک بڕ گشتی تۊشهاتنەگان لە وەخت بڵاوبوین ڤایڕۆس کۆڕۆنا لە هەرێم تا ئیسە رەسیە ٥٩٢٥١ تۊشهاتگ، لەلیان ٣٦٢٧٥ بیمار خاسەوبۊنە، وهیمان ٢٠٨٨٨ لەلیان هانە چارەسەری، و ٢٠٨٨ تووشهاتگ مردنە