نویسینگەگە لە بەیاننامەی کوڵیگ رەسیە ئاژانس شەفەق نیوز وت: گەنجیگ ئێزدی لە تەمەن ١٩ ساڵان ئازاد کریا خەڵک سیبا شێخدر، وەبی ئاشکراکردن هویردەرکاری.
نویسینگەی رزگارکردن رفیایەیل ئێزدی لە هەرێم کوردستان وت: لە ٢٦ تشرین یەکەم ٢٠٢٢، ئازادکردن شەش رفیای ئێزدی لە چنگ داعش راگەیان کە تەمەنیان لە ١٥- ٢٤ ساڵ بویە، لە کوڕ و دویەت.
لە بەیاننامەیگ رەسیە ئاژانس شەفەق نیوز دیاری کرد کە رزگاربویەیل هەرلە: سەوسەن حەسەن حەیدر لە داڵگبوی ١٩٩٨، رۆزا ئەمین بەرەکانی لەداڵگبوی ساڵ ٢٠٠٢، وەفا عەلی عەباس لەداڵگبوی ساڵ ٢٠٠١، مازن جردو خەلەف لەداڵگبوی ساڵ ٢٠٠٧، روسیتا حەجی باجو لەداڵگبوی ساڵ ٢٠٠٦، جانی زیاد حەیدەر لەداڵگبوی ساڵ ٢٠١٤.
لە ٣ ئاب ساڵ ٢٠١٤، ئەندامەیل ریخریاگ داعش پەلامار شنگال دا، کە بویە مدوو کوشیان و زەخمداری شمارەی گەورەیگ لە ئێزدیەیل، وەگەرد سەرگەردانییان و ویرانکردن ناوچەیلیان.
لە ١٩ی تشرین یەکەم ٢٠٢٣، نێچیروان بارزانی سەرۆک هەرێم کوردستان وت: تەقەلایل ئازادکردن ئێزدیەیل رفیای لەلایەن ریخریاگ داعش نیەوسێدەو تا ئازادکردن دویاترین رفیای، و ئاشکراکردن چارەنویسیان.