شەفەق نیوز/ لەناو گەلەرییگ لە وڵات بەریتانیا، چەن وینەیگ لە دڵنگ و کەلەپوور كوردەواری نمایش کریا و نشان خەڵك بیانی دریان. 

عسمه‌ت خابوور، قسەکەر زانكۆی دهۆك، ئمڕوو یەکشەممە، راگەیان: "ماوەیگ وەرجەیە شاندیگ زانكۆی دهۆك وەخاتر بەشداریكردن لە وۆركشپۆپیگ ئەرا گردەوکردن كولتووری ئایینی و نەتەوەیی جیاجیا، سەردان وڵات بەریتانیا کرد”. 

وتیش: “وەزارەت دەرەوەی بەریتانیا گەشتێگ ئەرا شاندەگەمان وەرەو گەلەری Courtauld لە لەندەن رێكخست، لەو گەلەرییە وینەی کۆن شۊن و كەسایەتییە ئایینی و نەتەوە جیاجایلەی هەرێم كوردستان وەگشتی و خەڵك شار دهۆك و دەیشت نەینەوا نمایش کریان، و نشان خەڵك دریان”. 

قسەکەر زانكۆی دهۆك، ئاشكرایش كرد: “ئەو دیمەن و وینەیل كەلەپووری كوردستانە، ک لەو گەلەرییە نمایش کریان،  ئەرا چلەیل سەدەی گوزەشتە گلەو خوەن، ک لەلایەن فۆتۆگرافەر ناودار بەریتانی (ئەنتۆنی کێرستین) گریانە”. 

باس ئەوەیش كرد، ک لەو وینەیلە ئاست بەرز وەیەکەوژیان لە هەرێم كوردستان نشان دریا، ک لە كولتوور و ئاداب رەسەن كوردەواری سەرچەوە گردیە، “یەیش ئەوە دەرخەێد، ک گەل كورد سەدان ساڵە خاوەن مێژوو و كولتوور و خاك و سوان خوەیەتی و خاستر و جیاوازتر لە هەر شۊنیگتر، مقەیتی كولتوور و كەلەپوور رەسەن كوردەواریی خوەی کردیە و وەپی ناسریەێد”.