حەزوری وە ئاژانس شەفەق نیوز وت، "هەڵوێست سەرۆک هەرێم کوردستان ئاشکەراس لە دۆسیەی فەڵەستین وە تایوەت کە لێوا دانابوی خوەی و ملەتەگەی وە دەس ئازارەیل شەڕ ناڵن و قوربانی دانە لەی ڕوانگە باوەڕیگ رووشن و پتەو داشت ئەرا رەدکردن جەنگ ئەو جەنگەی لە غەزە رویدا و داوای ئاشتی کرد".
وتیش "هەڵوێستە گرنگەگەی نێچیروان بارزانی پێکتێد لە پشتیوانیکردن میلەت فەڵەستین کە رویوەروی جەنگیگ کۆمەڵکوشی هاتن لە غەزە، کە ماف گەل فەلەستینە خاوەن وڵاتیگ سەروەخوەی بوود و یەیش ریگای ئاشتیە".
وتیش" ئەو هەڵوێستەیلە کە ەرۆک هەرێم لە زیاتر لە چەن شوینیگ دەریبڕیە مانای گەپیگ دەێد ئەرا پاڵپشتی ملەتەگەمان و خەباتیان لەپێناو رەسین وە ماف دەستووری و نیشتیمانی، و هەمیش وەگەرد هەڵوێست وەکۆمەڵ و فەرمی ئەرا پاڵپشتی لە کۆنسۆلخانەی فەڵەستینی و خەبات رەدکردن جەنگ لە پێناو ئاشتی".
لەباوەت رەسانن دەسمیەتی مرۆیی لە هەرێم کوردستانەو ئەرا کەرت غەزە ئاشکەرایکرد "دەسخوەشی لە دەزگای خێرخوازی بەرزانی کەیمن کە دەسوەجی کاردانەوە داشت مەسعود بارزانی راستەوخۆی فەرماندا لەپێناو دەسمیەتیدان خەڵک غەزە هاوکاری دیاریکریاگەیل کووەوبکەن وەرد پرتاڵەیلیگ کە ئەرا پەنابەر و ئاوارەیل گرنگە ئەرا رۆڵەیل گەلەگەمان و دابینکردن فریاگوزاری ئەرایان".
وتیش "هەر لە سەرەتای جەنگەگە ئێ دەزگایە هەوێست داشت و ئیمەر سەرپەرشتی وەجبەی یەکەم لە بەخشین و مادەیل فریاگوزاری کردیمن ئەرا کەرت غەزە و کە وە راسی رەسی یەیش مانای رەنگین و دوستانەیگ بەخشی ئەرا خەڵک فەڵەستین".