شەفەق نیوز/ بڕیارە ک چوارشەممە وەرجە نیمەڕوو، ئەنجومەن وەزیران هەرێم کوردستان، وە سەرۆکایەتی مەسرور بارزانی سەرۆک حکومەت و وەئامادەبوین قوباد تاڵەبانی جیگری، کۆبونەوی ئاسایی خوەی بکەێد.
فەرمانگەی راگەیانن و زانیاریەیل لە ئەنجومەنەگە لە بەیاننامەیگ رەسیە ئاژانس شەفەق نیوز وت: ئی کۆبونەوە ئەوەسا باس لە دویاترین گەشەگان بڵاوبوین ڤایڕۆس کۆڕۆنا و ریکارە مقەیەتیەگان ئەرا وەزارت تەندروسی و ناوخۆ کەێد.
هەمیش کۆبونەوەگە باس لە رەشنووس پڕۆژەی بڕیار (رێکخستن کار کۆمپانیا ئەمنیەگان لە هەرێم کوردستان عراق) کەێد، و هەمیش پڕۆژەی یاسای تایبەت وە شایستەیل قەرەبووکردن لە کەمئەندامی لە چوارچێوەی یاسای چاکسازیەگان، و ئەوەک پەیوەندی وە مووچە و شایستە خانەنشینەگان لە هەرێم کوردستان دیرێد.