خانزاد ئەحمەد خانمە ئەمیندار گشتی ئەنجومەن ژنەیل کوردستان لە بەیاننامەیگ داوا لە وەزارەت ناوخۆ و دەسەڵات دادوەری لە حکومەت هەرێم کوردستان کرد زوی بکەفنە ریکارەیل لێکۆڵینەوە لە رویداوەگە.
وتیش: هویچ کاردانەوەیگ وەلایەن دامودەزگایل حکومەتی و دادوەری لەبان ئی رویداوە کاریگ پەسەن نەکریاگە.
وەرجەیە، شەوەکی ئمڕوو، پولیس پارێزگای سلێمانی خەوەردا لە دەسگیرکردن چەن کەسیگ تەقەلای دەسدرویژی لەبان دویەت بویچگیگ دانە، ئەوەیش لەناو نمایش ماتوڕسکڵ لە یەکیگ لە ناوچەیل شارەگە.
پارچە ڤیدیۆیگ لەبان سۆشیال میدیا بڵاو بوی، بڕیگ گەنج نشان دا کەفتە شوین دویەتیگ لە ناوچەی هەوانی لە شار سلێمانی مەوقەی تەماشاکردن نمایش ماتوڕسکڵ.
وەچەودیەیل ئویشن: ئەو کوڕەیلە وە شیوەیگ قیزەوەن و نا شارستانی کەفتنە شوین ئەو دویەتە وەبی زانستن هوکارەیل ئەو رەفتارە.
لە پارچە ڤیدیۆگە دیارەێد ئەو کوڕەیلە قەسی بدد وەو دویەتە کردنە لەبان دڵنگەگەی، لە وەختیگ لەناو ڤیدۆگە دیار دەێد ک دڵنگ دویەتەگە فرە ئاسایی، و دویەتەگە دەس نەێدە گیری و لەدەسیان واێد.
لەلاییگتر، ئەو رویداوە بویە هوکار کاردانەوەی تویڕەیگ لەبان سۆشیال میدیا، وەلایەن خانمە چالاکوانەیل ئازادی ژن، ک وە دەسدرویژکردن لەبان ماف ژن دانەی قەڵەم، وتن؛ ئی کارە فیتنە لەناو شارەگە دروس کەێد، و داوای سزادان ئەو کەسەیلە کردن.
هەرلیوا، وەڕیەوبەر پولیس سلێمانی دەسگیرکردن هەفت کەس لەوانەگ دەسدرویژی لەبان ئەو دویەتە لە سلێمانی راگەیان.