وەزارەتەگە لە بەیاننامەیگ رەسیە ئاژانس شەفەق نیوز داوا لە حزبەیل سیاسی کرد بەشداری لە هەڵمەت هوشیارکردن لە چەک بکەن و وەکارنەهاوردنی مەگەر وەکاریگ ناچاری گرنگ، و چەک بی مووڵەت هەڵنەگرن.
وتیش: خاسترە ئەگەر حزبەیل سیاسی ئاگادار ئەندامەیلیان بەکەن ک وەگورەی یاسا چەک هەڵنەگرن.
بەیاننامەگە وتیش: داوا لە حزبەیل سیاسی کەیمن فەرمان وە کەناڵەیل راگەیانن خوەیان بیەن تا خزمەت کار هوشیاریکردن بکەن، و گاڵ هاووڵاتیەیل بیەن گرفتەیلیان وەڕی دادگا و گفتوگۆ چارەسەر بکەن، و نەچنە پای تونەڕەوی.
بەیاننامەگە وتیش: داوا لە حزبەیل سیاسی کەیمن چەک وە ئەندام و لایەنگرەیلیان لە هەر بوونیگ پیشکەش نەکەن.
بەیاننامەگە وتیش: داوا لە حزبەیل سیاسی کەیمن، ئەمار ئەراک چەک پاسەوانەیل دروس بکەن تا لە دەیشت دەوام هەڵی نەگرن.
بەیاننامەگە دووپات کرد ک جیوەجیکردن ئی گامەیلە زەمینەیگ خاستر لەناو کۆمەڵگا سازێد تا سیمای بڵاوبوین چەک کەمەو بوود، ک هیلێد ریژەی تاوانەیل کەمەو بوود، ئەراوە چەوەڕی پشتگیریکردن و هاوکاری گشت حزبەیل کەیمن.