شەفەق نیوز/ وەڕێەوبەرایەتی هاتوچو پارێزگای هەولێر پایتەخت هەرێم کوردستان، ئمڕوو پەنجشەممە، راگەیان مووڵەت رانندەیی ئەلیکترۆنی ک وەی نووە دەسوەپی کریا، تا پەنج ساڵ وەسەر چوود.

موقەدەم فازڵ حاجی قسەکەر وەڕێەوبەرایەتیەگە لە پۆستیگ لەبان سۆشیال میدیا نویسان: وەگورەی فەرمانەیل وەزارەت ناوخۆ لە حکومەت هەرێم کوردستان، مووڵەت رانندەیی ئەلیکترۆنی تا پەنج ساڵ ری کەێد.

دیاری کرد ک خاوەن ئەو مووڵەتە توەنێد وەرجە ٦ مانگ لە مەوقەی وەسەرچگنی نووی بکەێد.

مەسرور بارزانی سەرۆک حکومەت هەرێم کوردستان، دویکە چوارشەممە، ٢٤ ئاب ٢٠٢٢، سیستەم ئەلیکترۆنی ئەرا دەرکردن مووڵەت رانندەیی واز کرد.

یە یەکەمین جارە ک دەرکردن مووڵەت رانندەیی لە سیستەم کاغەد بوودە ئەلیکترۆنی، لە چوارچیوەی بەرنامەی کار ئی کابینەی حکومەت.