شەفەق نیوز/ سامان بەرزنجی وەزیر تەندروسی لە هەرێم کوردستان، ئمڕوو یەکشەممە، راگەیان تۆمارکردن ٢٠ مردن، و٥٧٣ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە.

بەرزنجی لە کۆنگرەی رۆژنامەوانی هاوبەشیگ وەگەرد قونسڵ کۆریای باشووری لە هەرێم وت؛ کۆریای باشووری دەسمیەتمان دەێد وە ئامێرەیلیگ پزشکی ئەیە یەکەم جارە دروس بکریەن، وباس لە سوپاس حکومەتەگە ئەرا ئەو وڵاتە کرد ئەرا گرنگیداین وپشتگیری لە حکومەت وگەل کوردستان.

و دووپاتکرد لە گرنگی وەرەوامی ریکارە مقەیەتیەگان، ودویرەوکەفتن کۆمەڵایەتی وتیکڵا نەوین وەگەرد وەقیدریاگەیل، تا وەدەسکەفتن واکسینیگ دژوە ڤایڕۆسەگە، وتیش تەقەلاگان وەردەوامن ئەرا وەدەسهاوردن واکسینیگ.

وتیش؛ ە جەنەگ دژوە ڤایڕۆسەگە لەگشت جهان وەردەوامە، و هەرێم کوردستان هەمیش ئەو جەنگە کەێد لە ری تێستەگان وئاشکراکردن و چارەسەری.

  لە باوەت هەڵوێست پەتاگە لە هەرێم کوردستان وەزیرەگە وت: وەداخەو ک هیمان مردنەگان لەوەر پەتاگە تۆمارکەێد.

وهەمیش لە هەڵوێستەگە لەماوەی ٢٤ ساعەت گوزەیشتە وەت: وەزارەتەگە  ٥٣١١ تاقیکردنەوەی نوو ئانجامداگە لە ناوچەیل وشارەیل هەرێم کوردستان، وئاماژەکرد وە تۆمارکردن ٥٧٣  تووشهاتن نوو.

و هەمیش باس خاسەوبوین ٢٧٤ تووشهاتگ کرد، وتۆمارکردن ٢٠ مردن وەیجوورە بەشەو بوینە: ٥ هەولێر، ٩ سلێمانی، ٥ دهۆک، ١ هەڵەبجە.