قادر جەلال، نوێنەر کۆمەڵەی خاوەن دوکانەیل ئەرا ئاژانس شەفەق نیوز وت: پەرلەمان کوردستان فەرمان و رینمایی تایبەت دەرکرد ئەرا زیایکردن کرا لەبان خاوەن دوکانەیل، کە گرنگی رێککەفتن ناوەین هەردوگلا لەبان زیایکردن خوازێد کە لە 20% زیاتر نەوود دویای ئەوە لەلای کەمەو ساڵیگ و دویای ئاگادارکردن وەرجە وەخت.
وتیش: ئەوەگ ئیسە روی دەێد ئەوەسە کە بەشیگ لە دادوەرەیل لە بەشیگ دادگا فەرمان زیایکردن کرای دوکان وە ڕێژەی زیاتر لە 100% تەنانەت 150%یش دەردەکەن و یەیش پێشێلکردن یاسا و رینماییەیل پەرلەمان هەرێمە.
ئاشکرا کرد، ئی گیچەڵە کەفێدە روی نزیکەی چوار هەزار خاوەن دوکان، وەتایبەت ئەوانەگ پویل ئەوەیگ وەپی ئویشن (سەرقوفڵیە) دەن، وتیش: دەرماڵەی کرا لە بڕیگ دوکان، کە 400 هەزار بوی، ئیسە خاوەن موڵکەیل خوازن بڕەسنە دەرماڵەی کرا 800 هەزار یا یەک ملیۆن دینار، یەیش نادادپەروەرانەس وەرانوەر خاوەن دوکانەیل، وەتایبەتی لەماوەی داوەزیان توانای سەنین خەڵکەگ لەوەر قەیران دارایی.