شەفەق نیوز/ خانمە چالاکوانەیلیگ مەدەنی لە چین ماف ژن، ئمڕوو سێشەممە، وسیانیگ ناڕەزایی لەوەردەم دادگای سلێمانی ڕێک خستن لەبان ئەو دەسدرۊژیە لەبان ژنیگ لەلایەن هیزە ئەمنیەیلە ک دویەکە لە دادگا کریا، وە داوای سزاداین خاوەن کەموکوڕی، ودووپات کردن ک ئی دەسدرۊژیە جویر دەسدرۊژیکردنە لەبان گشت ژنەیل کوردستان و عراق.  

هاوژین محمد لە کۆنگرەیگ رووژنامەوانی لەلایەن خانمە چالاوانەیل مەدەنی ک ئاژانس شەفەق نیوز ئامادەی بوی وت: بڕیگ لە ریخریاگەیل کۆمەڵگای لەدەنی وخانمە چالاکوانەیل لە ماف ژن، ئمڕوو وسیانیگ ناڕەزایی لەوەردەم دادگای سلێمانی ڕێک خستن  لەو کردەوە ک لەبان یەکیگ لە ژنەیل لەدادگا کریا.    

هاوژین خان وتیش: خانمەیل ناڕەزا داوای سزاداین خاوەن کەموکوڕی کەن وبخریەنە دادگا، وهەمیش داوا لە حکومەت کەن گرنگییگ گەورەتر وە ماف ژن لە گشت چینەیل بیەێد.  

هەمیش وت: دەسدرۊژیکردن لەبان ئی ژنە جویر دەسدرۊژیە لەبان گشت ژنەیل کوردستان و عراق، وداوای وسیانیگ راسی کرد ئەرا نواگردن سیمای دەسدرۊژیکردن لەبان ژن.