شەفەق نيوز/ شمارەیگ لە هاووڵاتییەیل ناحیەی باوە نور قەزای کەلار سەروە ئیدارەی گەرمیان، ئمڕوو یەکشەممە، وەداوای دابینکردن ئاو نووشین و خزمەتگوزاری سەرەکی ناڕەزایی کردن.
یەکیگ لە هاووڵاتییەیل ناو ناڕەزاییەگە ئەرا ئاژانس شەفەق نیوز وت: خەڵک ناحیەگە لەبان کەمی ئاو نووشین وکەمی پڕۆژەیل خزمەتگوزاری وئاوەدانی خوەینشاندان رێک خستن.
وتیش: ئاوەگە هەر چەن رووژیگ جاریگ رەسێدە هاووڵاتی وتەنیا ٤٠ خولەک مینێدەی، ک گەردن هاووڵاتی وە سەنین ئاو نووشین سەنگین کەێد.