شەفەق نیوز/ پەتای کۆڕونا، و ریکارە مقەیەتیەکان لەی باوەتە، بویە هووکار هەڵوەشانن ئاهەنگەیل مەسیحییەکان وە جەژن سەر ساڵ نوو کیلدانی ئاشووری سریانی، ک کەفێدە رووژ پەنجشەممە، لە ٦٧٧١ ساڵی.

کلاڕا عودیشو ئەندام پەرلەمان کوردستان ئەرا ئاژانس شەفەق نیوز وت: ئی جەژنە نەتەوەییە ئەرا کیلدان و ئاشوورییەکان و سریان، ک نشان نووەوبوبن وەرز وەهار دەێد ک ژیانەگە وە وەرز کشتوکاڵی نووەو بوود، ک مەردمەگە وەرجە ٦٧٠٠ ساڵ لە ژیانیان پشت وە کشتوکاڵی و ئاژەڵ ئیوەتکردن بەسیان.

کلاڕا دیاری کرد ک ئاهەنگ جەژن ئەکیتو تا ١٢ رووژ وە ئاهەنگ وخوەینشانی سەربازی و رێپیوان وەردەوام بوێاد وە بەشداربوین پیاو و ژنەیل وە دەنگە فلکلۆریەکان، وەبەشداربوین گەورای گەیمەیل و پیاوە ئاینیەکان و مەردووخ گەورای خودای بابلیەکان.

جی باسە ک جەژن ئەکیتو خوەی سەر ساڵە لەلای شارستانیەت سۆمەری و بابلی و ئەکەدی تا رەسێدە ئاشووریەکان.

و لە هەرێم کوردستان کیلدان و ئاشوورییەکان وسریان  ئاهەنگەیل فراوانیگ وە رێپیوان و ئاهەنگەیل هونەری وەدڵنگ فلکلۆری و سەما لەبان ئاواز سروودە نەتەوەییەکان ئەنجام دیان.