کۆڕۆنا گیان خانمە پزشکیگ لە دهۆک دویای زایینی سینێد

شەفەق نیوز/ ئەڵماس محمد حەسەن خانمە پزشک دگان، ئمڕوو جمعە، لە تەمەن ٣٠ ساڵان، لەوەر پەتای ڤایڕۆس کۆڕۆنا کۆچ دویایی کرد.

خانمە پزشکەگە وەرجە ١٦ رووژ تووش پەتاگە هات، و ئیوارەی دوێەکە پەنجشەممە، کەفتە نەشتەرگەری زایین قەیسەری، تا تیمیگ پزشکی بتوێەنن کوورپەگەی رزگار بکەن.

ئیجا رەوش تەندروسی ئەڵماس خراوەو بوی، تا ئمڕوو لەوەر پەتاگە لە خەسەخانە گیانی لەدەسدا.