نازم عەبدولڵا سەرۆک کۆمەڵەگە لە بەیاننامەیگ رەسیە ئاژانس شەفەق نیوز وت: ئەو دەردەیلە رخبەرترین هەڕەشە ئەرا کێلگەیل مامر لە عراق و هەرێم کوردستان دروس کەن، و ئیرنگە دەرد نیوکاسڵ رووژ لەپشت رووژ بڵاو بوود، و تا ئیسە لە ٦٠ لەسەد کێلگەیل مامر لە هەرێم کوردستان بڵاو بویە، و بویە هوکار مردارەوبوین زیاتر لە ١٠٠ هەزار مامر.
وتیش؛ حکومەت هەرێم کوردستان پاپەی کەرت مامر نەویە هەرچەن دەسمیەتی لە مقیەتیکردن ئاسایش خوەراک کەێد، وتیش؛ ئەگەر لاوازی لە کەرت مامر بوود ئەوە بەڵگەس لەبان لاوازی حکومەت.
وتیش؛ بیجگە ئەو زەرەدەیلە کە لە بیماریەیل کەفنەو، زەردەیلیگ تر هەس ک حکومەت فیدڕاڵی قەیەغەی هەنارەکردن مامر وەرەو ناوڕاس و باشوور عراق کەێد، ئەراوە داوا لە گشت ئەندامەیل پەرلەمان عراق کەم باس ئی باوەتە بکەن و چارەیگ ئەرا ئی گیچەڵە دانەن، و داوا لە وەزارەت کشتوکاڵی لە هەرێم کرد روی وەرەو بەغداد بکەێد تا چارەیگ ئەرا ئی گیچەڵەیلە لە نوای کەرت مامر پەیا بکەێد.