ماڵپەڕ فەرمی سەرۆکایەتی هەرێم کوردستان لە زوان شەهابەو بڵاو کرد کە وە پشتبەسین وە بڕگەی 16ی ماددەی 10ی یاسای سەرۆکایەتی هەرێم کوردستان-عراق کە لە ساڵ 2005 هەموار کریایە، ئمڕوو سێشەممە 14ی ڕی مانگە، نێچیروان بارزانی، سەرۆک هەرێم کوردستان، واژوو لەبان فەرمان داناین سێ دادوەر لە دادگای هەرێم کوردستان کە یانەن: دادوەر جاسم جەزا جەعفەر، سەرۆک دادگای تێهەڵچوونەوە لە ناوچەی سلێمانی، دادوەر جاسم محەمەد مستەفا، جیگر سەرۆک دادگای تێهەڵچوونەوە لە ناوچەی دهۆک، و دادوەر تاهر عەلی حەسەن، دادوەر دادگای تێهەڵچوونەوەی سلێمانی.
قسەکەر حکومەت هەرێم کوردستان وتیش: سەرۆک نێچیرڤان بارزانی، لەچوارچیوەی گرنگیدان وە دەزگای دادوەری، جیوەجیکردن مەرجەیل دەسەڵات دادوەری، و لەژیر رووشنایی داواکاریی ئەنجومەن دادوەری هەرێم کوردستان، واژوو لەبان دانانی ئەو دادوەرەیلە کرد.
وتیش: لە ئمڕووەو دویای دەرچگن فەرمانیهەرێم و دادوەرەیل قەسەم دەستووری خوەن لە دادگای تێهەڵچوونەوەی هەرێم کوردستان دەس وە کارەیلیان کەن.