نێچیروان بارزانی لە وتاریگ لەناو ئاهەنگ دەرچگن خول شەشەم خوەنەوارەیل زانکۆی ئەمریکی لە پارێزگای دهۆک و پەیامنێر ئاژانس شەفەق نیوز ئامادەی بوی وت: کوردستان هازدار نەوەیگ پڕ لە دانایی خوازێد، و دووپات لەوە کرد کە زانکۆیل زوور بخەنە دروسکردن نەوەی نوویگ لە هویرکەرەیل و خاوەن کاروبارەیل و داهێنان.
وتیش؛ هەمیشە هەرێم کوردستان وە دروسکار ئاسایش و ئارامی مینێد، و ئەوەسا وەردەوام بویمن لە پاڵپشتیکردن تەقەلایل چارەکردن باوەتەیل گیرهاتگ و رەسین وە رێککەفن سیاسی وەرد حکومەت فیدراڵی لە بەغداد، و دووپات کرد کە وەیەکەو توەنیمن دەوڵەتیگ ئارام و هازدار لە ناوچەگە و جەهان بینا بکەیمن کە خاوەن پایەی خوەی لە ناوچەگە و جەهان بوود.
وتیش: وەیەکەو توەنیمن وڵاتیگ بینا بکەیمن کە خاوەن قەوارەی شایستەدار خوەی بوود لە ناوچەگە، و بتوەنێد سامان خوەی ئەرا گەشەپیدان و ئەوزەڵکردن و خاسەوکردن خزمەتگوزارییەیل و بەرزکردن پەیوەندییەیل وەرد دەوڵەتەیل هاوسا ناوچەگە وەکار بارێد، لە بنەمای بەرژەوەنیەیل هاوبەش، وتیش: چشتە هاوبەشەیل ناوەینمان لە ناکۆکیەیل زیاترە.
بارزانی دووارە دووپات کرد کە هەرێم کوردستان هەمیشە کاریگەر ئارامی و ئاسایش لە ناوچەگە مینێد.