سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: دویای نیمەڕو ئمڕوو، بارزانی وەرد قاسم ئەعرەجی، ڕاوێژکار ئاسایش نیشتمانی لە بەغدا گردەو بوی.

وتیش: لە دیدارەگە باس لە رەوش ئەمنی عراق و مەترسیەیل تیرۆر و ئەو سەختەیلە کریا کە عراق رویوەڕویی بوودەو، لە ئەنجام کاردانەوەی جەنگ لە ناوچەگە.

 هەردوگلا دووپات لە گرنگی هاوکاری و هەماهەنگی ناوەین لایەنە پەیوەندیدارەیل لە حکومەت فیدراڵی و حکومەت هەرێم کوردستان لە بوار ئەمنی و نواگیریکردن هەڕەشە ئەمنییەیل کردن، هەمیش لەبان گرنگی هاوکاری گشت لایەنەیل ئەرا مقیتیکردن ئارامی و سەقامگیری وڵات هاوڕا بوین.

بارزانی سوپاس و پیزانین خوەی ئەرا ڕاوێژکار ئاسایش نیشتمانی و تیمەگەی نشان دا ئەرا هاوکاریکردنیان وەرد لایەنە پەیوەندیدارەیل لە عراق و هەرێم کوردستان و ئەرا مقیتیکردن ئاسایش.

لەلای خوەییش ئەعەرەجی دووپات کردە کە ئارامی و ئاسایش و سەقامگیری لە هەرێم کوردستان و گشت ناوچەیل عراق گریە وە یەکەو دریاس.

ئافەرین لە رۆڵ نیشتیمانی نێچیروان بارزانی سەرۆک هەرێم کوردستان کرد لە گردەوکردن لایەنەیل و تەقەلایلی ئەرا چارەسەرکردن گیچەڵەیل.