نویسینگەی ڕاگەیانن سەرۆکایەتی هەرێم کوردستان، لە بەیاننامەیگ رەسیە  ئاژانس شەفەق نیوز وت: “ نێچیروان بارزانی، سەرۆک هەرێم کوردستان وەرد سەرۆک ئەنجومەن باڵای دادوەری عراق، فائق زەیدان گردەو بوی”.

وتیش: "هەردوگلا هویروڕایان لەبان پرۆسەی سیاسی و دوایین پیشهاتەیل عراق وەگشتی وەیەک وتن، و تەقەلا و گفتوگۆ ئەرا چارەسەرکردن کێشەیل نێوان حکومەت فیدراڵی و حکومەت هەرێم کوردستان لە بنەمای دەستور".

لە دیدارەگە باس لە “گرنگی زیایکردن هاوکاری و هەماهەنگی ناوەین دەسەڵات دادوەری لە عراق و هەرێم کوردستان و لایەنە پەیوەندیدارەیل لە بوار دادوەری هەرێم کوردستان ئەرا سوود وەرگرتن لە دەرفەت و توانایل دەسەڵات دادوەری عراق، دووپاتیش  گەرنگی مقیتیکردن ئاشتی و سەقامگیری سیاسی لە وڵات کردن”.

نێچیروان بارزانی سوپاس دادوەر فائق زەیدان کرد ئەرا "هەوڵ و ڕۆڵ ئەرێنی لە چارەسەرکردن کێشەیل وڵات".

لە دیدارەگە باس لە سەروەخوەیی دەسەڵات دادوەری و مقیتیکردن ماف گشت پیکهاتە عراقییەیل و فرە باوەت بەرژەوەنی هاوبەش کریا.