شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، پیشوازی لە مایکل کامیروتا کونسڵ نوو ئیتالیا لو هەرێم کوردستان کرد.
لە سەرەتای پیشوازیەگە، سرۆک بارزانی پیروزبایی لە دەسکردن قونسڵەگە وە ئەرکەیلی کرد، و گشت پشتگیریی ئەرا سەرکەفتنی لە ئەرکەیلی لە هەرێم کوردستان نشان دا، و لە خوەد وەختەگە باس سوپاس خوەی لە پاڵپشتی سەربازی ئیتالیا ئەرا هەرێم کوردستان لە جەنگ ریخریاگ داعش و دەسمیەتی هێزەیل پێشمەرگە لەلای راهێنان و دابینکردن هاوکاری مرۆیی ئەرا پەنابەرەیلە کرد،
لەلای خوەییش قونسڵ نوو ئیتالیا باس لە ئارەزووی کرد ک بتۊنید پەیوەندیەیل وڵاتەگەی وەگەرد هەرێم کوردستان ئەوزەڵ بکەێد وەتایبەت لە چین بازرگانی و ئابووری.
قونسڵەگە هەمیش باس لە سوپاس و رێز وڵاتەگەی کرد ئەرا ئەو دەورە کرد ک هەرێم کوردستان لەنواگردن داعش رانێد.
لە دیدارەگە باس رەوش بڵاوبۊن ڤایرۆس، و کار تیمەیل ئیتالیا لە پارێزگایل هەرێم کوردستان لە بەش ئاسەواری، و توانای وازکردن بەش زوان ئیتالی لە زانکۆیل هەرێم کوردستان، و کاروانەیل ئاسکانی ناوبەین ئیتالیا و هەرێم کوردستان، و رەوش عراق و ناوچەگە وە گشتی، وەگەرد بڕێ باوەت گرنگیدار لەلای هەردوگ لاگە کریا.