ئەوەیش لە چەوپیکەفتنیگ ناوبەین نێچیروان بارزانی سەرۆک هەرێم کوردستان و حەلبووسی لە بەغداد پایتەخت هات، وەگورەی بەیاننامەیگ لە سەرۆکایەتی هەرێم کوردستان.
بەیاننامەگە وتیش: لە دیدارەگە باس رایان لەباوەت پڕۆژەی یاسای بوودجە کریا ک ئیسە لە ئەنجومەن نوینەرەیل خریاسە دەنگدان، ک هەردوگ لایەنەگە دووپات لە گرنگی و کاریگەریی لە ئەوزەڵکردن رەوش ئابووری و دووارە کارکردن لە پڕۆژەیل کردن.
بەیاننامەگە وتیش: لە دیدارەگە باس رێککەفتن ناوبەین حکومەت فیدڕاڵی و حکومەت هەرێم کوردستان کردن، و دووپات لە گرنگی جیوەجیکردنی کریا.
هەردوگ لایەنەگە باس ئەوە کردن ک جیوەجینەکردن ئی رێککەفتنە کاریگەری بەدیگ لەبان داهاتەیل گشتی عراق دیرێد.
حکومەت فیدڕاڵ و حکومەت هەرێم کوردستان، رووژ سێشەممەی گوزەشتە، رێککەفتنیگ وەختانە ناوبەین وەزارەت نەفت فیدڕاڵی و وەزارەت سامانەیل سرووشتی لە هەرێم کوردستان واژوو کردن، ک وەگورەی ئەو رێککەفتنە دووارە هەناردەی نەفت لە کوردستان و لە کەرکوک کریەێد، دویای وسیانی وەلایەن دەسەی ناوجیکردن ناودەوڵەتی لە پاریس.