سەرۆک هەرێم، لە پەیامیگ پیرووزبایی وە بوونەی ساڵیاد چاپەمەنی کوردی، کە رەسیە ئاژانس شەفەق نیوز راگەیان “وە بوونەی 126 ساڵەی چاپەمەنی کوردی و دەرکردن شمارەی یەکەمی رووژنامەی (کوردستان) لەلایەن رەحمەتی (شازادە میقداد بەدرەخان) و بیس و شەشەمین ساڵیاد دامەزرانن سەندیکای رووژنامەنویسەیل کوردستان، پیرووزبایی گەرم خوەم لە گشت رووژنامەنویسەیل کوردستان کەم و ئومید سەرکەفتن ئەرایان خوازم”.
وتیش: “لەی یادە دووپات کەم لەبان دابینکردن ژینگەی گونجیاگ ئەرا کار میدیایی، دابینکردن ئاسانکاری ئەرا رووژنامەنویسەیل تا دەسیان بڕەسێدە سەرچەوەیل زانیاری وەبی جیاوازی، و دویرکەفتن لە پەسپانن سنووردارکردن و ئاستەنگ لەبانیان تا رووژنامەنویسەیل بتوەنن ڕۆڵ پیشەیی خوەان وە وەرپرسیارانە ئەنجام بیەن، لە چەودیاریکردن دامەزراوەیل، بەرزکردن ئاست کولتوور هاوڵاتیەیل، و داڕشتن ڕای گشتی، و بوودە فاکتەریگ گرنگ و هاوبەش لە پرۆسەی بیناکردن و پەرەپیدان دیموکراسی و پەروەردەکردن کۆمەڵگا.”
بارزانی وتیش؛ "لە وەختیگ پاڵپشتی تەواو خوەم ئەرا رووژنامەنویسەیل دووپات کەم، و نووڕین پتەو خوەم لەباوت ئازادی رووژنامەگەری و دەربڕین هویروڕا جویر بنەمایگ سەرەکی هەر کۆمەڵگایگ دیموکراسی ئازاد، داوا لە رووژنامەنویسەیل کەم پابەندبوون وە یاسای کاری رووژنامەوانی و پیشەیی". و راسگۆیی و هاوسەنگی و بیلایەنی و دویرکەفتن لە خەوەر هەڵوەسیاگ و زوان ژیر بخەنە وەرچەو، و هەمیش داوا لەلیان کەم مقیتی ئاشتی سەقامگیری کۆمەڵایەتی و سیاسی و بەرژەوەنی باڵای گەل و میللەت بكەن."
نێچیرڤان بارزانی، "ڕۆڵ ریخریاگە تایبەتمەنە ناوخوەیی و ناودەوڵەتییەیل لە چەودیاریکردن ئازادی رووژنامەگەری و ڕابڕین لە هەرێم کوردستان" وەبەرز نرخان، دووپاتیش کرد کە "رەفتار لایەنە پەیوەندیدارەیل وەرد هەر تاکیگ لە بوار رووژنامەگەری وەگورەی یاسای رووژنامەگەریە لە کوردستان."
سەرۆک نێچیروان بارزانی لە کۆتایی قسەیلی وت: ڕێزلێنانیگ ئەرا یاد شەهیدەیل رووژنامەگەری و رووژنامەنویسەیل پیشەنگ لە سەردەم شۆڕش و ئازادی کە ژیان خوەیان پیشکەش کردن ئەرا رەسانن راسیەیل و پەرەپیدان رووژنامەگەری لە کوردستان.
لەلایگیش سەرۆک حکومەت هەرێم کوردستان مه‌سرور بارزانی وت؛ "لە یاد رووژ رووژنامەگەری کوردی و دەرچگن یەکەم شمارەی رووژنامەی (کوردستان) وەلایەن میر میقداد میدحەت بەدرخان و ساڵیاد دامەزرانن سەندیکای رووژنامەنویسەیل کوردستان، پیرۆزبایی لە گشت رووژنامەیسەیل کوردستان کەێد و هیوای سەرکەفتن ئەرایان خوازێد لە رێباز پیشەگەیان". وتیش؛ "جی خوەشحاڵی و شانازییە کە راگەیاندنکارەیل لە هەرێم کوردستان و لە سایەی حکومەت هەرێم کوردستان، وە ئازادی و وەبی هویچ سانسۆرێک، کار پیشەیی خوەیان کەن و تەواو ئازادن لە رەخنەگردن و باسکردن پێشێلکارییەیل و كەم و کوڵی و كەمتەرخەمییەیل حكومەت. حکومەتیش جویر هەمیشە هاوکار و دەسمیەتیدەر رووژنامەنویس و راگەیاندنکارەیل کوردستان بوود ئەرا دەسمیەتی گشت لایگ، بتوەنین کوردستان لە گشت مژارەیل، وەرەو قۆناخیگ پیشکەفتیتر بوەیمن". مەسروور بارزانی وتیش، "هیوا خوازم راگەیانکارەیل کوردستان، ئامانج سەرەکییان رەسانن راسیەگان بوود و وەرەوەو نوا بردن کوردستان و خزمەتکردن مەردم و داکۆکیکردن لە مافەیل گەل کوردستان و پاراستن و ئەوزەڵداین قەوارەی دەستووریی هەرێم کوردستان بوود". وتیش؛ " پێویستە میدیاکارەیل کوردستان، هەمیشە لە بەرەی نیشتمان بوون و ریگە نەدەن وە ناو رووژنامەگەری، سووکایەتی وە بەهاگان نیشتمان و بەرژەوەندی باڵاگان مەردم كوردستان بکرێد و نیەود زوان زبر و دیاردەی ناشرین ناوزڕانن مەردم وەکاربارێد". مەسروور بارزانی دووپاتکرد "حکومەت کوردستان پاڵپشت ئازادی رادەربڕین و رووژنامەگەری راستەقینەس لە هەرێم کوردستان".