شەفەق نيوز/ هەر لە نێچیروان بارزانی سەرۆک هەرێم کوردستان، و بەرهەم ساڵح سەرۆک کۆمار، ئمڕوو چوارشەممە،  دووپات لە گرنگی هاوکاری و هەماهەنگی هاوبەش ناوبەین گشت لایەنەیل عراق کردن، ئەرا پشتسەرنان ئی قۆناغە ک لەپشت ئەنجامەیل هەڵبژاردن عراق هات.          

ئەوەیش لە پێشوازیکردن سەرۆک بارزانی ئەرا بەرهەم ساڵح سەرۆک کۆمار هات، وەگورەی بەیاننامەیگ لە سەرۆکایەتی هەرێم.        

بەیاننامەگە وت: لە گردەوبۊنەگە باس رەوشەیل عراق وەشیوەی گشتی کریا، ٢ ئەو قۆناغە لەپشت دەنگدانەگە،  و هەڵبژاردن ئەنجومەن نۊینەرەیل عراق و ئەنجامەیلی،  و پەیوەندی ناوبەین هەولێر  - بەغداد،  و تەقەلایل دروسکردن حکومەت هاتگ عراق،  و نواگردن داعش،  و گەشەیل ناوچەگە وەگشتی.     

بەیاننامەگە وتیش: هەردوگ لایەنەگە دووپات لە گرنگی هاوکاری و هەماهەنگی ناوبەین هێز و لایەنەیل عراق کردن ئەرا وەپشتسەرنان سەختیەیل ئی قۆناغە.              

وەگورەی بەیاننامەگە، هەردوگ لایەنەگە ڕێک کەفتن ک گشتی ئەرا وەدەسهاوردن ئارامی و دروسکردن حکومەت خزمەتگوزاری ئەرا جیوەجیکردن داواکردن و مەزەنەی هاووڵاتیەیلە کار بکەێد، و شیوەی سیاسی وبوڵاتەگە بخریەێدە بان ریە راسەگە.