شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، دووپات کرد ک هەرێم کوردستان نیەخوازێد مەترسی لەبان دەوڵەتەیل هاوسا دروس بکەێد، باوجی هاوکار ئارامیە لە ناوچەگە، ئەوەیش دویای گورزەیل ئیران لەبان شوینەیل ئۆپۆزسیۆن کورد ئیران لە هەولێر و سلێمانی.

بارزانی لە وتاریگ لەناو ئاهەنگ وازکردن پەیمانگای داهێنان و نووکردن لە هەولێر وت: وەداخەو ناوچەی کۆیە و بەشیگ لە ناوچەیل سنووری کەفتنە وەر گورزەیل، هەرێم کوردستان خوازێد بوودە هاوکاریگ ئەرا ئارامی ناوچەگە، و پەیوەندیەیل خاسیگ وەرد گشت هاوسایلی دیرێد، باوجی بایەتە حکومەت عراق سنووریگ ئەرا ئی دەسدرویژیە بنەێد.

لە باوەتیگتر، سەرۆک هەرێم کوردستان وت: ئومید خوازیمن پەیمانگەی داهێنان و نووەوکردن بوودە شوینیگ ئەرا داهێنان و گەنجەیل بەهرەدار، ک وەداخەو، فرە لە گەنجەیل ئومیدیان بڕینە، لەوەر ئەوە ک هویچ پاڵپشتیکردنیگ ئەرایان نییە، گەنجەیلمان توەنن هەکاتی گەنجەیل ئەو وڵاتەیەیل خوەیان بچەسپنن، ک هویچیگ لەوانە کەمتر نیین.

وتیش: ئەرک لایەنەیل پەیوەندیدارە لە حکومەت پاڵپشتی گەنجەیل بکەن تا بتوەنن داهێنان زیاتر بکەن، گەنجەیلمان خاوەن توانا و خوازین و خەونەیل گەورەن، و توەنن لە چەن چینیگ داهێنان بکەن.