شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، ئەو ناکۆکی و باوەتەیل گیرهاتگە ناوبەین هەولێر و بەغدا وەو قەوارەی گەپە نەدادە قەڵەم ک چارەکردنی سەخت بوود، و لە خود وەختەگە دووپات کرد ک هیمان ریخریاگ داعش توانای شیوانن ئاسایش و ئارامی وڵاتەگە دیرێد.
ئەوەیش لە کۆنگرەیگ رووژنامەوانی وەلایەن سەرۆک نێچیروان بارزانی هات لە خستن رووشنایی وەبان ئەنجامەیل سەردانی ئەرا ئەڵمانیا و ئامادەبوینی لە کۆنگرەی میونخ ئەرا ئاسایش.