وە تەقەمەنی و گولە لە ناوچەی عومرانیە لە پارێزگای دیالە ئەنجامدریا، کە لە ئەنجامی “شەهید”کردن شمارەیگ هاوڵاتی مەدەنی، و زەخمداری کەسەیلیگ ترەک لەلی کەفتەو.

 نێچیروان بارزانی، سەرۆک هەرێم کوردستان لە بەیاننامەیگ راگەیان؛ لە خودای گەورە لاڵکیەیمن کە وە گیان شەهیدەیل بخەێدە وەر دروو و بەزەیی خوەی  و سەبووری و دڵنەوایی بەێدە کەسوکار و دووسەیلیات  و سەرەخوەشیی لەلیان کەیمن و هاوبەش خەم و پەژارەیانیمن، و ئیمەش ئومید بیوەیی و زوی خاسەوبوین زەخمدارەیل خوازیمن، وتیش: خەسەخانەیل هەرێم کوردستان ئامادەن گشت دەسمیەتییگ پزشکی پیشکەش وە زەخمدارەیل بکەن.

هەمیش وت: ئی پەلامار و ئۆپەراسیۆنە تیرۆریستییه هەڕەشەیگە لەبات ئاسایش و ئارامی وڵات، و ئەو راسیە چەسپنێد کە تیرۆر هیمان رخ و مەترسی و ڕاستەقینە دیرێد، و بایەسە وە گشت هاز و توانایگ ڕوووەڕوویان بویمن و لەئی هاوکارییگ زیاتر و هەماهەنگی ناوەین سوپای عراق و پیشمەرگە و هیزە ئەمنییەیل، وە پاڵپشتی هاوپەیمان ناودەوڵەتی.

 سەرچاوەیگ ئەمنی خەوەردا کە ئیوارەی دویەکە پەنجشەممە، لە دوو پەلامار وە تەقەمەنی و ئۆپەراسیۆن قەناس لە پارێزگای دیالە، ٧ هاوڵاتی مەدەنی کوشیان و زەخمدار بوین.

 سەرچەوەگە ئەرا ئاژانس شەفەق وت: “پەلامارە دووانەی لەلایەن کەسەیلیگ نەناسیاگ وە دوو تەقەمەنی و چەک قەناس ئەنجام دریایە، ماشینیگ کەسەیلیگ مەدەنی لەناوی بوینە لەناوەین قەزای وجێهیە (25 کم باکوور خوەرهەڵات بەعقووبە) و ئاوای (العمرانیە) کریاسە ئامانج.

وتیش: "وەو دوو تەقینەوە و ماشینەگە کردنە ئامانج و دویای گردەوبوین خەڵکەگە قەناس ئەرایان وەشیاس، کە بویە مدوو کوشیان 3 هاوڵاتی مەدەنی  و 4 کەس ترەکیش زەخمدار بوین.