یاریزانی لە پۆستیگ لەبان (X) نویسا: "وە خەفەت قویلیگ نووڕیمنە خەوەرەیل رویداو هیلبکۆپتەر سەرۆکایەتی ". 

وتیش: داوای بیوەیی ئەرا خوەی و یاوەرەیلی کەم، و دڵمان ها لایان و دوعا ئەرایان کەیمن.

وتیش: دڵمان ها وەگەرد سەرکردایەتی و گەل ئیران برادەر و هاوسا لەی وەخت سەختە.

وەرجەیە، عەلی خامەنەئی ریبەر ئیران باس ئومید خوەی وە قورتاربوین سەرۆک ئیبراهیم رەئیسی و ئەوانەگ وەگەردی کرد لە رویداو کەفتن فڕۆکەیان.

ریبەر ئیران داوا لە هاوڵاتیەیل کرد نیگەران نەوون و دڵنیایان کرد کە کاروبار دەوڵەت وەڕیەو چوود.

خامەنەئی باس نیگەرانی خوەی وەرانەور رویداو فڕۆکەگەی سەرۆک ئیبراهیم رەئیسی کرد، و وت: لە خودا داوا کەیمن سەرۆک و یاوەرەیلی گلەو بەێد.

وەرجەیە، بهادری جمهوری قسەکەر حکومەت ئیران وت: هویچ خەوەریگ تا ئیسە لە کەفتن ئەو فرۆکە نییە کە سەرۆک ئیران ئیبراهیم رەئیسی لەناوی بویە.