شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، بەیاننامیگ وە بوونەی ٦٠مین ساڵیاد دامەزرانن یەکێتی مامووستایل کوردستان دەرکرد.    

سەرۆک نێچیروان بارزانی لە بەیاننامیگ رەسیە ئاژانس شەفەق نیوز وت: "پیروزبایی شەسەمین ساڵیان دامەزرانن یەکێتی مامووستایل کوردستان وەگشتی کەم، ئومید سەرکەفتن ئەرایان خوازم، و وەگشت ڕێز و سوپاسیگ وەبەرزی ئەرزشدار دەور مامووستایل لە ئەرک پیرۆزیان کەیمن، و تەقەلایان لە چین هوکارەکان و پەروەردە و ئەوزەڵکردن نەوەیل ئیسە و هاتگ لە کوردستان.    

وتیش: وەرپرسایەتی و ئامادەبوین و دەور دێرین ئەرا مامووستایل لە پەروەردە و ئامادەکردن تاک، لە رووژە سەختەیل لە ماوەی شۆڕش و لە سەردەم ئازادی ئیسە، شایستەی موبارەکی و سوپاسە، ک لە سەختترین رووژەیلیگ، مامووستا دڵسوزەیل کوردستان نوای گشت سەختیەیل گردن، و لە ئەرک پەروەردەیی و هوکارەکردن پیروزیان وەردەوام بوین، و کۆڵ نەیان.  

سەرۆک هەرێم کوردستان وتیش: نەوەیل ئیسە و هاتگ ئەمانەتیگە لە گەردن مامووستایل، ئەراوە مامووستایل خوەیان کلیل و بنەمای سەرکفتنن لە گشت کۆمەڵگایگ پیشکەفتگ، و دەور خوەیان دیرن لە ئەوزەڵکردن کەلتور یەک قەبووڵی و پێکەوەژیان، مامووستایل کوردستان شایستەی رەوشەیلیگ گوزەرانی و ژیانیگ خاسترن، و دووپات لە گشت پشتگیریمان ئەرا ماف و داوایلیان و شایستەیلیان کەیمن، و وەچەو رێز و سوپاس نووڕیمنە دەور و خزمەتەیل یەکێتی مامووستایل کوردستان.