یەیش لە وتاریگ هات کە لە ناو بەشداریکردنی لە مەراسیمیگ پیشکەشی کرد کە لە سەرۆکایەتی هەرێم وە بوونەی رووژ ئاڵای کوردستان وەڕیەوەچگ.

 سەرۆک نێچیروان بارزانی پیرووزبایی لە گشت کورد و کوردستان و هیزەیل پێشمەرگە کرد وەی بوونە کە وە نیعمەت وەسفی کرد.

 سەرۆک هەرێم کوردستان وتیش: "ئاڵای کوردستان تابلۆییگ ڕەنگاوڕەنگە کە وە خوین شەهیدان و ئیرادەی خەباتکارەیل و وەیەکەوژیان گشت خەڵک کوردستان ەە ماڵ و میلکان خوەیان زانن نەخشیاس".

 نێچیروان بارزانی دەس لە ڕەنگەیل ئاڵاگە دا و وت: با ڕەنگەیل ئاڵاگەمان ئارەزوو و بەها بەرزەیل لە ڕۆحمان وەئاگا بارێد، و رەنگ چەرمگ هێمای دادپەروەری و ئارامی و وەیەکەوژیانە و ڕەنگ سەوزیش هێمای ژیان و وەردەوامیی وەرەو خەباتە و ڕەنگ سوور هێمای خوەیڕاگری و خەبات و پیرووزی خوینە، شەهیدەیل و ری ئازادی کوردستان و خوەر زەرد لە ناوڕاس پەڕچەممان ئەو تیشکەس کە وەدەسهاوردن ئومیدەیلمان لێیەوە وەرگریمن و خوازیار رەسین وە ماف چارەی خوەیویسین”.

هەمیش وت "ئی ئاڵا هەرچەن هێمای یەک نیشتمانە، بەڵام دڵ خەڵک ئی وڵاتە، یەک وە یەک و لە هەر شوینیگ بوون، وە کورد و گشت پیکاتەیل ترەک بەسێدەو. ئەراوە با هەڵکردن پەرچەم ئمڕوو نووەو بکەیمن لە ناو خوەمانەو پەیمان بیەیمن لە بەشبەشیمان رەد بویمن، ڕێز لە جیاوازییەیلمان بگریمن و وەیەکەو نەتەوەیگ بنیات بنەیمن کە بوودە ئومید گشت ئەوانەگ لە کوردستان ژیەن".

سەرۆک هەرێم لە درویژەی قسەیلی وتیش "ئومیدخوازم کوردستان بوودە ماڵ وەیەکەوژیان و نموونەیگ وەخشین  لەناو گەلەیل ناوچەگە و جەهان".

وتیش؛ ئاڵاگەمان هێمای خواستە هاوبەشەیلمانە، هێماس ئەرا رویوەڕویبوین ئاستەنگەیل و رەدبوین لە تەنگی، هەرلیوا هێمای پابەندبوینمانە وە بانانیگ گەشاوەتر ئەرا گشتی.