شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، بەیاننامەیگ وەبۆنی ٥٩هەم ساڵیاد دامەزرانن یەکێتی مامووستایل کوردستان دەرکرد.

بارزانی لەو بەیاننامە ک رەسیە ئاژانس شەفەق نیوز وت: لە ساڵیاد پەنجا و نۆەم دامەزرانن یەکێتی مامووستایل کوردستان، پیرووزبایی گەرمیگ لە گشت مامووستایل خوەشەویست کوردستان کەم، و ئومید سەرکەفتن ئەرایان خوازم. و سوپاس وئەرزشدار باڵایگ ئەرا ئەرک وخەبات پەروەردەیی وخزمەتەیل گەورایان ئەرا نەوەیل کوردستان کەیمن.

وتیش: مامووستایل کوردستان دەور دیار و گەورایگ لە پەروەردە و دروسکردن نەوەیل پشتەڵپشت لە کوردستان لە گشت قۆناغریل وە دڵسوزی ئەنجام دان، و وەردەوام بوین لە پێشکەشکردن خزمەتەیلیان و کار پەروەردەیان لە سەختتریبن رەوشەیل ولەسای بیبەشی و نەداری، و نەیشتن کار هوکارەکردنەگە بووسیەێد، ئەراوە خویان جی سوپاس و دەسخوەشی ورێزیگ وەردوامن.

سەرۆک بارزانی هەمیش وت: پەروەردە راسیەگە خوەی قەڵغان و بنەڕەت سەرەکیە ئەرا گشت کۆمەڵگایگ هووشیار و پێشکەفتگ، و مامووستایل سەرکردایەتی ئەوە کەن، وئیسە وئایندەی نەوەیل ئەمانەتیگە لە گەردن مامووستایل.

هەمیش: وەت دووارە ئویشیمن ک مامووستایل کوردستان شایستەی خزمەت و ژیانیگ خاسترن، و بایەتە مقەیەتی گشت مافەیلیان بکریەێد.