شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، پیشوازی لە هونەرمەن کورد ناودیار مامووستا شەهرام نازری کرد. 

پیرەکە دووشەممە، وەزارەت روشنهۊری هەرێم کوردستان، خەڵات تەڵایی داگە نازری لە رسوومەیل ریزگرن لەی هونەرمەنە.  

سەرۆکایەتی هەرێم کوردستان لە بەیاننامیگ وت: سەرۆک نێچیروان بارزانی دووارە باس دەسخوەشی ورێزی ئەرا میژوو وخزمەت و کارەیل هونەری مامووستا نازری و وەناوبانگیی لە ئاست هەرێمی و جەهانی کرد، و باس کرد ک ئەو خەڵاتەیلە ک وەریان گردیە جی شانازیە ئەرا گشت کوردیگ و خەڵک کوردستان وەگشتی، و ئومید تەمەن درویژی و تەندروسی و وەردەوام سەرکەفتن ئەرای خوازێد. 

لەلای خوەییش، مامووستا نازری دووپات کرد ک ریزلینانی و وخەڵاتکردنی لە کوردستان لە گشت ریزلینان و خەڵاتەیل جەهانی فرەتر دڵخوەشی کرد، و ئەرزش و واتەی لەگشتیان گەورەترە، و باس لە خوەشهاڵیی وە سەردان هەرێم کوردستان و دیدار سەرۆک نێچیروان بارزانی کرد. 

لە دیدارەگە هەرلە وەزیر و جینشین وەزارەت روشنهۊری و گەنجەیل لە هەرێم کوردستان ئامادە بوی.