شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە،  وەگەرد بێلس شمێد قسەکەر دەسەی باوەتەیل دەیشتەکی لە پەرلەمان ئەڵمانیا، باس رەوشەیل سیاسی عراق،  و باوەت کووچبەری و رەوش کووچبەرەیل لەبان سنوور بیلاڕووسیا،  و هەڕەشەیل داعش و درۊژکردن ئامادەبۊن هێزەیل ئەڵمانیا لە عراق کرد.  

ئەوەیش لە دۊەم رووژەیل چالاکیەیل کۆنفرانس ئاسایشی میونخ هات، و لە دیداریگ ک ئمڕوو شەممە ئەنجا دریا، وەگورەی بەیاننامەیگ لە سەرۆکایەتی هەرێم.  

سەرۆک نێچیروان بارزانی سوپاس ئەڵمانیا و دەوڵەتەیل ئەوروپایی برادەر کرد، ئەرا هاوکارییان لە باوەت کووچبەرەیل و درۊژکردن ماوەی ئامادەبۊن هێزەیل ئەڵمانیا لە عراق.  

لەباوەت رەوش ئاوارەیل ئەیزیدی،  سەرۆک هەرێم دووپات کرد ک جیوەجیکردن رێککەفتن گونجیان رەوشەیلە لە شەنگال دەرفەت نوویگە ئەرا بتەوکردن ئارامی و گلەوخواردن خەڵەکەیل ئەیزیدی ئەرا میلکانیان.   

هەردوگ لایەنەگە باس بتەوکردن دیموکراسی و بیناکردن دامەزراوەیل و ئەوزەڵکردنیان لە عراق و هه‌رێم کوردستان کردن،  و هاوڕا بۊن ک ئەڵمانیا و دەوڵەتە برادەرەیل تواناى پێشکەشکردن هاوکاری و دەسمیەتی لەی چینە دیرن.