شەفەق نیوز/ دڵشاد شهاب قسەکەر سەرۆکایەتی هەرێم کوردستان، راگەیان کە نێچیروان بارزانی سەرۆک هەرێم کوردستان، رووژ سێشەممە، سەردان بەغداد کەێد.
لە باوەت بەرنامەی سەردانەگە، شهاب لە بەیاننامەیگ کە سایت ئەلیکترۆنی فەرمی سەرۆکایەتی هەرێم کوردستان بڵاوی کرد، وت: سەرۆک نێچیروان بارزانی ئەوەسا وەرد محمد شیاع سودانی سەرۆک وەزیرەیل فیدڕاڵی گردەو بوود، ئەرا باسکردن لە پەیوەندییەیل هەولێر - بەغداد و باوەتەیل گرنگ لەلای هەردوگلا.
لە کۆتایی مانگ نیسان گوزەشتە، سەرۆک هەرێم کوردستان سەردانیگ ئەرا بەغدای پایتەخت ئەنجام دا، و وەرد سەرۆک کۆمار و سەرۆک وەزیرەیل و بڕیگ سەرکردەیل حزبەیل سیاسی گردەو بوی، و بەشداری لە گردەوبوین هاوپەیمان ئیدارەی دەوڵەت کرد.