سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: هەرلە باڵیۆز قەتەر لەلای عراق و کونسوڵ گشتی دەوڵەت قەتەر لە هەولێر ئامادەی دیدارەگە بوین، و دیاری کرد کە هەردوگ لایەن دووپات لە گەشەپیدان پەیوەندییەیل قەتەر وەرد عراق و هەرێم کوردستان کردن، و باس دەرفەتەیل بەرهەمهاوردن قەتەر لە عراق و هەرێم کوردستان کریا.
شاند قەتەر دڵنیایی خوەی وە عراق و هەرێم کوردستان دووپات کرد، و ئارەزووی وە گەشەپیدان پەیوەندییەیل لە چین ئابووری و بازرگانی کە قەتەر لە هەولێر وازیان کەێد، و شاندەگە ئامادەیی خوەی نشان دا ئەرا بەرهەمهاوردن لە وزە و گەشتوگوزاری و کشتوکاڵی و خوەنەواری و فرە لە چینەیل ترەک نشان دا.
بارزانی پیرووزبایی لە شاند قەتەر کرد ئەرا وازکردن قونسوڵخانەی گشتی لە هەرێم کوردستان، و دووپات کرد کە زەمینە گونجیاگە ئەرا بەرهەمهاوردن لە عراق و هەرێم کوردستان، وە تایبەت لە پڕۆژەیل ژیرخانی.
بارزانی سوپاس لە پاڵپشتیکردن دەوڵەت قەتەر کرد و دەسمیەتیەیلی ئەرا عراق و هەرێم کوردستان، دووپاتیش کرد کە عراق و هەرێم کوردستان هاوبەشی فرەیگ وەرد قەتەر دیرن.
لە دیدارەگە باس رەوشەیل ناوچەگە وبڕیگ باوەت گرنگ لەلای هەردوگ لایەن کریا.