نێچیروان بارزانی لە بەیاننامەیگ رەسیە ئاژانس شەفەق نیوز وت: “وە بوونەی هاتن مانگ رەمەزان پیرووزبایی لە گشت موسڵمانەیل کوردستان و عراق و جەهان کەم، ئومید خوازم ئی مانگە سەقامگیری و خوەشگوزەرانی ئەرا گشت لایگ ەە خێر و خوەشی و بەختەوەری  و ئاشتی باێد”.

 سەرۆک بارزانی وتیش: ئومیدوارم هاتن ئی مانگ پیرووزە و وانە و چەمک و واتەیلی بوونە دەرفەت و هاندانیگ ئەرا گشتمان ەە بەرزکردن هاودەنگی و وەخشین و وەیەکەو کارکردن ئەرا خاسی و بەرزترین بەهایل مرۆڤایەتی، ئاشتی و نیشتمانپەروەری".

لای خوەییش مەسرور بارزانی، سەرۆک حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: “وەگەرد خوەردەچین مانگ رەمەزان بەرزترین پیرووزبایی لە گشت موسڵمانەیل کوردستان و عراق گشت جەهان کەن”، وەو ئومیدە کە "ئی مانگە وەگەرد خوەی  وای خاسی و بەرەکەت و بەختەوەری و ئاشتی و ئارامی بارێد."

وتیش: وە پیریچگن ئی مانگ پیرووزە، داواکاریمن لە خودای گەورە بەرەکەت وەپیمان بوەخشێد و نماز و رووژگ و دوعا و پەرستاریمان قبوڵ بکەێد و بکەێدەی مانگیگ کە گشت دڵەڕاوکێ و ناڕەحەتییگ لەناوی نەمینێد، و کۆتایی لە گشت قەیرانەیل جەهان بارێد”.