سەرۆک نێچیروان بارزانی، لە بەیاننامەیگ رەسیە ئاژانس شەفەق نیوز وت: پیرووزبایی لە ئیوە و گشت ئەندامەیل یەکێتی خەباتکاردان و خوەنەوارەیل کوردستان وەگشتی کەم، وە بوونەی ٧٠ مین ساڵیاد دامەزرانن یەکێتی خوەنەوارەیل کوردستان.

سەرۆک هەرێم کوردستان وتیش: ئومید خوازم ئی بوونە بوودە هاندەر قایمیگ ئەرا بتەوکردن خەبات ریخریاگی زیاتر وەخاتر ماف و ئامانجەیل خوەنەوارەیل کوردستان.

وتیش: یەکێتی خوەنەوارەیل کوردستان خاوەن میژوویگ پڕ لە سەروەریە، و هەمیشە مەکتەویگ نیشتمانی ئەرا ئیوەتکردن فرە لە سەرکردەیل و خەباتکارەیل ناودیار لە گەل کوردستان بویە، لەوانەگ رۆڵ گرنگیگ لە بزوتنەوەی ئازادیخوازی داشتنە، و فرە لە شەهیدە قارەمانەیل ئەرا گەل و نیشتمان پیشکەش کردن. 

 نێچیروان بارزانی وتیش: یەکێتی ئیوە، وەگەرد هەڵگردن وەرپرسایەتی وەرگریکردن لە ماف خوەنەوارەیل و خاسەوکردن توانایان و ئەوزەڵکردن بەهرەیان وەگەرد گەشەکردن زوینەی سەردەمەگە لە زانست و پەروەردە، هەمیش وەرپرسایەتی ئیوەتکردن تاکە کەس هوشیار و کادر دڵسووز ئەرا خزمەت خاک و کۆمەڵگا هەڵگرێد، و ئەرا بتەوکردن بنەمایل وەخشین و یەکێتی و هەماهەنگی و مقیەتیکردن وەیەکەوژیان و ئاشتی، و هەمیش لەوەر ئی هووکارە پشتگیریدان کەیمن.