شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، پیرووزبایی لە گشت موسوڵمانەیل لە هەرێم کوردستان و عراق و جەهان کرد وە بوونەی هاتن ساڵ کووچی نوو ١٤٤٤.
بارزانی لە پەیام پیرووزبایی کە ئاژانس شەفەق نیوز نووڕیەی وت: پیرووزبایی لە گشت خوەشک و برایل لە موسوڵمانەیل کوردستان و عراق و جەهان ئەرا ساڵیاد یەک موحەرەم و سەرساڵ کووچی کەم، ئومید خوازم ئی ساڵ نووە خێر و خوەشی و دڵنیایی ئەرا گشت مرۆیایەتی وەگەرد خوەی بارێد، و بوود ساڵ سەرکەفتن و خوەشی ئەرا گشتی.
بارزانی لەی پیرووزباییە دووپات لە مقیەتیکردن لە قویلەوکردن کەلتور وەیەکەوژیان لەناوەین گشت پیکاتەیل ئاینی و بنچینەیی لە کوردستان کرد، و گشتمان وەیەکەو ئەرا ئیسە و بانانیگ خاستر ئەرا گەل و وڵاتمان کار بکەیمن .