شەفەق نیوز/ سەرۆک هەرێم کوردستان نێچیروان بارزانی، ئمڕوو یەکشەممە، دووپاتکرد لە میانەی سەردانەگەی ئەرا پایتەخت فیدراڵی بەغدا، کووبوینەوەیل "خاسیگ" ئەنجامدانە وەگەرد وەرپرسەیل و سەرکردەیل سیاسی، هیوا خوازێد وە زویترین وەخت گیچەڵەیل هەرێم چارەسەر بوود.
نێچیروان بارزانی لە گفتوگو وەگەرد شمارەیگ رووژنامەوان لە بەغدا وت، "بەشداریکردنمان لە یاد شەهید عراقی دەرفەتیگ بوی ئەرا کووبوینەوە وەرد سەرۆک کۆمار و سەرۆک وەزیر و نوێنەرەیلیان".
وتیش، "لەو باوەڕەم کووبوینەوەیل خاس بوینە، لەی چوارچمگە گامەیلەیگ نرێد ئەرا چارەسەرکردن گیچەڵەیل ناوەین هەرێم کوردستان و حکومەت فیدراڵی".
وتیش " ئمڕوو وەگەرد سەرۆک کۆمار گفتوگۆ کردیمن و خەوەرداری کردیمن لە ئەنجام ئەو گردەوبوینەیلە وەرد ئەو لایەنەیلە" وت "ئیمە ئومیدخوازیمن وە زویترین وەخت پرسەیلە چارەسەربوون وە تایبەت بودجە".
سەرۆک هەرێم کوردستان دووپاتکرد، "ئەوەگ گرنگە چارەسەرکردن گیچەڵەیلە چ وە هەموارکردن یاسا بوود یا وە ری ترەک بوود".