سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی، دویای نیمەڕو ئمڕوو، پیشوازی لە شاندیگ لە کولێژ وەرگری نیشتمانی سەروە کولێژ خوەنستن باڵا کرد، ک دامەزراو خوەنەواری و راهێنانە سەروە وەزارەت وەرگری عراق، و خوەنەوارەیلی خاوەن پۆست و پلەی سەربازی و وەرپرس و راویژکار و ئیدارەی وەزارەت و دامەزراوەیل حکومەتیە، و بڕوانامەی وەرگری لە ئیدارە وەپیان دریەێد.

بەیاننامەگە وتیش: لە دیدارەگە سەرۆک نێچیروان بارزانی باس خوەشهاڵیی وە سەردان شاندەگە ئەرا هەرێم کوردستان کرد، و گەشەکردن پەیوەندی ناوبەین دامودەزگایل سەربازی و فەرمانگەیل لە گشت چینەیل لە گشت عراق و هەرێم کوردستان، و نرخدار بەرنامەی خوەنەواری لەو زانکۆ و بەش و کولێژەیلی کرد ک وە بنەمایل نیشتمانپەروەری و زانستی پشت بەسێد.

سەرۆک هەرێم کوردستان جەخت کرد ک دویای ٢٠ ساڵ لە ئازادکرن عراق، بایەتە سوود لە هەڵەیل گوزەشتە بگریمن، وە پلانیگ دیار و هاوبەش، ئەرا داناین گامەیلیگ خاستر وەرەو بانان وە بەشداریکردن گشت پیکاتەیل بە وەڕیەوبردن و بیناکردن وڵاتەگە.

لەلای خوەییش، شاندەگە باس خوەشهاڵیی کرد وە سەردان هەرێم کوردستان، و سوپاس لە دەور سەرۆک هەرێم کوردستان و وتار و رایەیل نیشتمانپەروەری لە ئاست گشت عراق کرد.