بارزانی لە پەراویز بەشداریکردنی لە دیدار عراق لە بەغداد پایتەخت ک ئاژاتس شەفەق نیوز ئامادەی بوی وت: دەرچگن تیم وەزارەتی یەکێتی نیشتمانی کوردستان لە حکومەت هەرێم کوردستان دروس نییە، یە وە نووڕین خوەم، ک یەکێتی هاوبەش سەرەکیە لە دروسکردن ئی حکومەتە.
ئیمە دویای ئاشتەوبوین ناوبەین پارت دیموکرات کوردستان و یەکێتی نیشتمانی کوردستان گامەیل گەورەیگ وەیکەو چیمنە نووا، و وەشیوەی گەورەیگ پیشکەفتیمن، و رەحمەتی سەرۆک جەلال تاڵەبانی و سەرۆک مەسعود بارزانی گامەیل خاسیگ لەی باوەتە نان.
بارزانی وتیش: نەهاتن تیم وەزارەتی یەکێتی خزمەت حکومەت نیەکەێد، ک هەناێ لەناو حکومەتیگ بوێ، توەنێ باس گرفتەیل و شیوەی چارەکردنی لەناو حکومەت بکەێ، من و سەرۆک حکومەت هەرێم کوردستان داوای گلەوخواردن لەلیان کردیمن تا گرفتەیل چارەسەر بکەیمن.
بارزانی داوا لە بەغداد کرد دەسمیەتی لە چارەکردن گرفتەیل وەگەرد یەکێتی بەێد، و داوا لە سودانی کەم لە چارەکردن ئی گیچەڵە دەسمیەتیمان بەێد، ک یە لە بەرژنەوەنی هەرێم کوردستان نییە، و خزمەت عراقیش نیەکەێد.