شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، ئامادەیی خەسەخانەیل هەرێم کوردستان ئەرا فریارەسین زەخمدارەیل لە رویداو رمیان مەزاریگ شیعە لە پارێزگای کەربەلا نشان دا.
بارزانی لە تویتیگ وت: وەداخ سەختیگ خەوەر رمیان خوەڵەگە لە مەزار قەتارەی ئیمام عەلی (عليه السلام) لە کەربەلای پیرووز وەپیمان رەسی، ک بویە هووکار زەخمداری شمارەیگ لە هاووڵاتییەیل و گیرهاتن بڕیگتر لەناو مەقامەگە، خەسەخانەیل هەرێم کوردستان و تیمەیل پزشکی ئامادەن ئەرا پیشکەشکردن گشت دەسمیەتییگ ئەرا کەسەیلمان لە کەربەلا.
تیمەیل وەرگری شارستانی توەنستن دوو مناڵ و کوڕیگ رزگار بکەن، و تا ئیسە چوار تەرم دراوردنە، وهیمان تەقەلای رزگارکردن وەردەوامە، دویای رووژیگ لە رمیان مەزار قەتارەی ئیمام عەلی لە کەربەلا.